دەزگای ئاسایشی هەرێم دەستگیکردنی دوو کەسی بە تۆمەتی کوشتنی پۆلیسێك لە سلێمانی ڕاگەیاند.
ئەمڕۆ دووشەممە، دەزگای ئاسایشی هەرێمی کوردستان ڕایگەیاند، لە هەوڵێکی هاوبەشی هێزەکانی ئاسایش، ئۆپەراسیۆن، کۆماندۆ و پۆلیسدا، هەردوو تۆمەتباری تەقەکەر دەستگیرکران.
کاتژمێر 10ی شەوی یەکشەممە، هێزەکانی پۆلیسی نەهێشتنی تاوانی سلێمانی لە شەقامی پیرەمێرد هەوڵی دەستگیرکردنی چەند داواکراوێکیان دا، بەڵام ڕووبەڕووبوونەوەی چەکداری ڕوویدا و بە هۆیەوە کۆمیسەرێکی پۆلیس کوژرا و دوو کارمەندی دیکەی پۆلیس بریندار بوون.
