نرخی دۆلار دابەزی و بانکی ناوەندی عێراقیش لە کۆتا ڕۆژی هەفتەدا فرۆشتنی دۆلاری کەمکردەوە.
ئەمڕۆ پێنجشەممە، بانکی ناوەندی عێراق ڕایگەیاند، 215 ملیۆن و 920 هەزار و 251 دۆلاری فرۆشتووە کە 203 ملیۆن و 760 هەزار و 251ی حەواڵە و 12 ملیۆن و 160 هەزار دۆلاریشی بە نەخت بووە.
بە بەراورد لەگەڵ دوێنێ، بانکی ناوەندی فرۆشتنی دۆلاری کەمکردووەتەوە کە بڕەکەی، زیاتر لە 220 ملیۆن و 560 هەزار بوو.
ئەمڕۆش نرخی دۆلار لە بازاڕەکانی هەرێمی کوردستان دابەزی و 100 دۆلار بە 151 هەزار و 650 دینارەوە مامەڵەی پێوە دەکرێت.
