ئێمە لە تۆرە کۆمەڵایەتیەکان

کوردستان

“ڕای جیاواز هەیە لە ناو گۆڕاندا بۆ بەشداری كردن یان نەكردن لە حكومەتدا”

خەڵك
سەرۆكی جڤاتی گشتی بزوتنەوەی گۆڕان، دەڵێت” هەموو ئەگەرەكان لەبەردەم بزوتنەوەی گۆڕان كراوەیە، بەڵام جارێ لەسەر ئەنجامی تانە و سكاڵاكانی كە پێشكەشمان كردووە وەستاوین”، دەشڵێت چەندین هۆكاری”زاتی و بابەتی” هەبوون كە هۆكار بوون بۆ كەمبونەوەی دەنگەكانی بزوتنەوەی گۆڕان بەڵام ساختەكاری و نەچونی خەڵك بەڕێژەیەكی زۆر بۆ سەر سندوقی دەنگدان هۆكاری سەرەكین، ڕەنگە بەشێكی كەمی پەیوەندی بە بزوتنەوەی گۆڕانەوە هەبێت.

د.ڕەئوف عوسمان، سەرۆكی جڤاتی گشتی بزوتنەوەی گۆڕان، لە وتوێژێكدا لەگەڵ (بەشی كوردی دەنگی ئەمریكا) وتویەتی:” لەناو بزوتنەوەی گۆڕان ڕای بەشداری كردن یاخود بەشداری نەكردن لەحكومەت جیاوازە هەیە دەڵێت، با بەشداری بكەین، هەشە دەڵێت با بەشداری نەكەین، بەڵام ئێـمە دەوەستین چونكە دوا بڕیار لای جڤاتی نیشتمانیە، واتە ئێستا بڕیارمان نەداوە و دەیخەینە بەردەم جڤاتی نیشتمانی.”

د.ڕەئوف عوسمان سەرۆكی جڤاتی گشتی بزوتنەوەی گۆڕان ئەوەشی وتووە: “ئەو ساختەكارییانەی ئەمجارە لەكوردستان كرا دەرهێنانی ڕەگەزنامەی ساختە بەواژۆی جیاوازی ئەفسەری ڕەگەزنامە، ڕاگەیاندنی ئەنجامەكانی هەڵبژاردن لەكاتێكی ناكاودا و بوارنەدان بەزیاتر “دیراسە”كردنی سكاڵا ئەمانە كۆمەڵێك بەڵگەن كە ئەنجامەكان نادروستن و دەستكاری ئەنجامەكان كراون، ئەمەش تاقیكردنەوەی دیموكراسی لەكوردستان خستەژێر پرسیارەوە، هەر ئەمەشە وای لەهاوڵاتی كردووە كە توشی نائومێدی ببێت لەپڕۆسەی هەڵبژاردن و بڵێت” خۆ من بچم بۆ دەنگدان، یاخود نا دەنگەكانم ساختە دەكرێت، پشتیوانی ئەمریكا و وڵاتانی ئەوروپاش بۆ هەرێمی كوردستان لەبەر دیموكراسیە، بەڵام لاسایی كردنەوەی وڵاتە دیكتاتۆرییەكانی ڕۆژهەڵات وادەكات پشتیوانی ئەوانیش بخاتە ژێر پرسیارەوە.”
د.ڕەئوف عوسمان ڕایگەیاندووە:” ئێمە لەبەردەم “ئەمرێكی واقیعداین” ئەگەر لەپڕۆسەیەكی وادا بەشداری نەكەین زیاتر دەرفەت دەدرێتە هەندێك لایەن بەتایبەت دوو حیزبەكە ئەوان ببنە باڵادەست، ئەوان “هەموو شت بن، خۆ ئەگەر ئەنجامەكانیش ساختەكاری تێدابكرێت بەڵام هاوبەشی كردن لەپڕۆسەكە مانای ئەوەیە كە سورین لەسەر پەیڕەوی دیموكراسی، لەبەر ئەوەی بزوتنەوەی گۆڕان بزوتنەوەیەكی “مەدەنی”ە بۆیە بۆ گۆڕانكاری پەنا دەباتە بەر ڕێگای”مەدەنی”و دیموكراسی كەهەڵبژاردنە.”
لەبارەی هۆكاری كەمبونەوەی دەنگەكانی بزوتنەوەی گۆڕان د.ڕەئوف عوسمان وتویەتی” خۆی هۆكارەكان زۆرن، هەندێكی “زاتیە” هەندێكی “بابەتیە” كە دەوروبەریش دەگرێتەوە، وە خەڵك زۆریان نەهاتنە دەنگدان، ساختەكاری بە ژمارەی زۆر و سەدان هەزار ئەمەش وایكردووە كە دەنگەكانی گۆڕان كەم بكات و هی ئەوان زیاد بكات، بەڵام بەشێكیشی پەیوەندی بە بزوتنەوەی گۆڕانەوە هەیە، ئەو بەشەش ئەوەندە زۆر نییە، چونكە بزوتنەوەی گۆڕان پارەی نەوتی نەخواردووە،كۆمپانیای نیە، یا بەرپرس نیە لەموچە و دۆخی گوزەرانی خەڵك.”
لەبارەی ئەو ئەگەرانەی لەبەردەم بزوتنەوەی گۆڕان كراوەیەن كامانەن، سەرۆكی جڤاتی گشتی بزوتنەوەی گۆڕان ڕونیكردەوە” ئەگەرەكان یەكەم: ڕازی نین بەم ئەنجامە، چونكە ئەو ئەنجامانە هی ئێـمە نین یار و نەیار ئەوەمان پێ دەڵێن، ئێمـە لەهەڵبژاردنی پێشوو دووەم بوین ئێستا بوینە هێزی سێیەم وە حەزدەكەم ئەوەش بڵێم دروست بونی لیستی نوێ وەك لیستەكەی كاك شاسوار ئەمەش كاریگەری هەبووە كەم تا زۆر لەسەر گۆڕینی جوگرافیای دەنگەكان.”
سەبارەت بەدەستلەكاركێشانەوەكان لەناو بزوتنەوەی گۆڕان یاخود ڕۆیشتنی هەندێك بەرپرسی گۆڕان بۆ ناو یەكێتی و پارتی؟ د.ڕەئوف عوسمان وتی” لەهەرێمی كوردستاندا، ئەم”بەراو بەركردن”ە حاڵەتێكی ئاساییە، ئێمـە حیزبی سیاسی وا دادەنێین “قیتارێك”ە كە كۆمەڵێك خەڵك دادەبەزێت، كۆمەڵێك خەڵك سەردەكەوێت و دێتە پێشەوە، ئێستا هەندێك برادەرمان چونەتە ناو یەكێتی نیشتمانی كوردستانەوە، بەڵام لەگەڵ ئەوەشدا هەندێك لەدەرەوەی گۆڕان پێداگری دەكەن بێنە ناو جڤاتی گشتی بزوتنەوەی گۆڕانەوە، واتە ئەوە نەبێت چوار كەس ڕۆیشت ئیتر واتای حیزبەكە بۆشایی گەورەی تێكەوت بەپێچەوانەوە بزوتنەوەی گۆڕان شەپۆلێكی گەورەی جەماوەریە.”

کوردستان

مەلا بەختیار لەبارەی دامەزراندنی حزبەوە ڕوونكردنەوە دەدات

خەڵك- بەشی هەواڵ

مەلا بەختیار بەرپرسی دەستەی كارگێڕی مەكتەبی سیاسی یەكێتی نیشتمانی كوردستان و سەرپەرشتیاری گشتی پلاتفۆڕمی دابڕان ڕایگەیاند، مەكتەبی سیاسی، سەركردایەتی، ئەنجومەنی ناوەندی و سەرجەم ئۆرگانەكانی یەكێتی دڵنیا دەكەنەوە، كە ناوەندی دابڕان ناكەنە حزب.

مەلا بەختیار لەگوتارێكدا لە دووهەم ڕۆژی كۆنفڕانسی پلاتفۆڕمی دابڕاندا ئاماژەی بەوەكرد، ئەوانەی ئەو دەنگوباسانە بڵاودەكەنەوە، كە ناوەندی بڕیار دەكرێت بە حزب، ڕاست نین، ئەو دەنگۆیانە بۆ ترساندنی لایەنگرانی یەكێتییە، كە نزیك نەبنەوە لە دابڕان.

ڕوونیشیكردەوە، پلاتفۆڕمی دابڕان دامەزراوەیەكی ڕۆشنبیریی عەلمانییە، بڕوای بە ئازادی ویژدان هەیە، بەڵام ئیلحاد نییە.

بەردەوام بە لە خوێندنەوە

کوردستان

توركیا جارێكی دیكە ڕێگەی بە دیداری ئۆجالان نەدا

خەڵك- بەشی هەواڵ

محەمەد ئۆجالانی برای عەبدوڵڵا ئۆجالان و مەزڵووم دینچ-ی وارسی، بۆ ئەوەی بچنە ئیمڕاڵی دوێنێ لە ڕێی پارێزەرانەوە داواكارییەكی دیكەیان پێشكەشی سەرۆكایەتیی داواكاری گشتیی شاری بوورسا كرد، بەڵام ئەم جارەش داواكارییەكەیان ڕەتكرایەوە.

ئاژانسی فوڕاتنیوز بڵاویكردەوە “هەروەها خانەوادەی ٣ زیندانیی دیكەی بەندیخانەی ئیمڕاڵی؛ هامیلی یڵدرم، عومەر خەیری كۆنار و ڤەیسەل ئاكتاش بۆ هەمان مەبەست لە ڕێی پارێزەرانەوە داواكارییەكیان پێشكەش كرد، بەڵام ئەمجارەش بە بیانووی «سنوورداركردنی پەیوەندیی سزادراوان» مۆڵەتی چاوپێكەوتنیان نەدا”.

عەبدوڵا ئۆجالان لە ١١ی ئەیلوولی ٢٠١٦-ەوە ڕێگری لێ دەكرێت چاوی بە خانەوادەكەی بكەوێت. بەڵام دوای دەستپێكردنی مانگرتنەكان بۆ هەڵگرتنی گۆشەگیریی سەر ئیمڕاڵی، لە ١٢ی كانوونی دووەمی ٢٠١٩ ڕێگە درا كە محەمەد ئۆجالان سەردانی ئیمڕاڵی بكات و چاوپێكەوتنێكی كورت بكات.

لە لایەكی دیكەوە لە ٢٧ی تەمووزی ٢٠١١-ەوە توركیا ناهێڵێت پارێزەرانی ئۆجالان سەردانی ئیمڕاڵی بكەن و چاویان بە ئۆجالان بكەوێت. لەوكاتەوە تا ئێستا ٧٩٢ جار داواكاریی پارێزەران ڕەتكراوەتەوە.

بەردەوام بە لە خوێندنەوە

کوردستان

سەعدی ئەحمەد پیرە: داوای پۆستی سەرۆكی هەرێممان نەكردووە

خەڵك- بەشی هەواڵ

ئەندامێكی مەكتەبی سیاسی یەكێتی نیشتمانی كوردستان ڕایگەیاند، یەكێتی داوای پۆستی سەرۆكی هەرێمی نەكردووە و هیچی وای نەبیستووە، بەڵام لەگەڵ ڕۆیشتنی ئاڕاستەی پرۆسەكە بە ناتەندروست، ئەوا خەڵك هەوڵ دەدەن قسەی وا بكەن و كێشە دروست ببێت.

سەعدی ئەحمەد پیرە بە كەناڵی ڕووداو-ی ڕاگەیاندووە، دووئیدارەیی تەواو بوو، پێشتر تاقییان كردووەتەوە، یەكێتی هەرگیز باسی دووئیدارەیی نەكردووە.

هاوكات دوێنێ مەلا بەختیار بەرپرسی دەستەی كارگێڕی مەكتەبی سیاسی یەكێتی بابەتی دووئیدارەیی ڕەتكردەوە.

لەبەرامبەردا وەستا ڕەسوڵ و فەرید ئەسەسەرد ئەندامانی سەركردایەتی یەكێتی وەك ئەگەرێك باسیان لەدووئیدارەیی و لامەركەزی بۆ سلێمانی كردبوو.

دوای شكستی ڕێككەوتنی پارتی و یەكێتی و كۆبوونەوەی پەڕلەمان، لەتیف شێخ عومەر وتەبێژی یەكێتی ڕایگەیاند، یەكێتی لە دوای كۆبوونەوەی پەڕلەمان قسەی نوێی دەبێت.

هاوكات سەرچاوە نێوخۆییەكان ئاشكرایان كرد یەكێتی پۆستی سەرۆكی پەڕلەمانی ناوێت و سەرۆكی هەرێمی دەوێت.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان