وەزارەتی پەروەردەی حکومەتی هەرێم ڕایگەیاند، لە دوای هەمواری یاسای بودجە، پلەبەرزکردنەوەی فەرمانبەران دەستپێدەکاتەوە و مامۆستایانی وانەبێژ دەبن بە گرێبەست.
ئەمڕۆ یەکشەممە، وەزارەتی پەروەردەی حکومەتی هەرێمی کوردستان سەبارەت بە داواکاری مامۆستایانی ناڕازی ڕاگەیەندراوێکی بڵاوکردەوە و ئاماژەی بەوەکرد، ” لەگەڵ ئەنجومەنی وەزیران لە گفتوگۆداین و پاش هەموارکردنەوەی یاسای بودجە و ناردنی شایستە داراییەکانی هەرێمی کوردستان مەرجەکانی مامۆستایانی ناڕازی جێبەجێدەکرێن”.
ئاماژەی بەوەشکرد، ” پلە بەرزکردنەوە لە چوارچێوەی یاسا بەرکارەکان دەستپێدەکات، مامۆستایانی وانەبێژی دانەمەزراو بە گوێرەی ڕێنماییەکانی وەزارەتی دارایی و ئابووری گرێبەستیان بۆ دەکرێت”.
