ئێمە لە تۆرە کۆمەڵایەتیەکان

کوردستان

داوا دەكرێت لایەنە ناڕازییەكان واز لە بەیاننامە دەركردنن بهێنن

خەڵك-بەشی هەواڵ

دامەزرێنەرێكی هاوپەیمانی بۆ دیموكراسی‌و دادپەروەری داوا دەكات لایەنە ناڕازییەكان بە یەك فراكسیۆن بچنە بەغداو بە یەك لیستیش بەشداری هەڵبژاردنەكانی هەرێم بكەن.

سەرگوڵ قەرەداغی ئەندامی دامەزرێنەری هاوپەیمانی بۆ دیموكراسی‌و دادپەروەری بە (خەڵك)ی راگەیاند، ئەم دۆخەی ئێستا ئەوە دەخوازێت كە چیتر ئەو لایەنانەی دەرەوەی دەسەڵات سەیركەر نەبن‌و پێویستە دەربچن لەو ستایلەی خۆیان كە تەنها بەیاننامە دەركردن بێت لە راگەیاندنەكان.

وتیشی “باشترین هەنگاو ئەوەیە كە بەرەیەكی سیاسی پێكەوە دروست بكەن‌و لە داهاتوودا پێكەوە كار بكەن‌و بڕیار بدەن بە یەك فراكسیۆن بچنە بەغداو بڕیاری ئەوەش بدەن بە یەك لیست بەشداری هەڵبژاردنەكانی هەرێم بكەن”.

ئاماژەی بۆ ئەوەش كرد، ئەمە كاریگەری دەبێت لەسەر ئەوەی ئەو خەڵكەی نائومێد بووە لە دەنگدان ئومێدی بۆ بگەڕێتەوە.

سەبارەت بە هاوهەڵوێستی ئەو لایەنانە لەكاتێكدا پێشتر هەڵوێستی جیاوازییان هەبوو لەمەڕ دۆخی هەرێم، قەرەداغی رایگەیاند، ئەو ساختەكارییەی لە هەڵبژاردنەكان كرا هەموویان بە ئامانج گیرابوون‌و ئەوەش زەنگێكی ئاگاداركردنەوەیە بۆ ئەو لایەنانە كە چیتر بەئومێدی ئەوە سیاسەت نەكەن ئەو دوو لایەنەی كە دەسەڵاتیان هەیە، پشكێكی دەسەڵاتیان بدەنێ، ئەوان هەمیشە لە كەمیندان بۆ بچوككردنەوەی ئەو لایەنانەو پێویستە ئەمانیش پڕۆژەیان هەبێت‌و خۆیان لەو چەقبەستووییە رزگار بكەن.

ئاشكراشیكرد، ناكرێت ئێمە چاوەڕێ بكەین پارتی‌و یەكێتی بەردەوام كار بكەن‌و بە ئارەووی خۆیان هەر بابەتێك بیانەوێت لە هەرێم كاری لەسەر بكەن، ئەگەر ئەو لایەنانە ئیرادەیان هەبێت بە هەمویانەوە هێزێكی زۆر گەورە بن‌و خەڵكیش ئەوەی دەوێت‌و لایەنەكانیش گەیشتونەتە قەناعەتێك كە پێویستە پێكەوە بن، چونكە بە تەنها هیچیان پێ ناكرێت‌و دەسەڵاتێش بە یەك چاو سەیری هەموویان دەكات.

رونیشیكردەوە، كاتی گۆڕانكاری هاتووەو هەموو ئاماژەكان بۆ ئەوەیە ئەگەر ئەو لایەنانە پێكەوە بن دەتوانن زۆرینە بەدەست بهێنن، بەڵام پرسیارە قورسەكە ئەوەیە ئایا ئەگەر زۆرینەیان بەدەست هێنا دەتوانن دەستاودەستی دەسەڵات بگرنەدەست، پێموایە دۆخی ناوچەكەو عێراق ئەوە دەخوازێت‌و دواتر ئیرادەی حەق هەر سەردەكەوێت.

کوردستان

فراكسیۆنی كۆمەڵ بۆردێكی یاسایی دروستدەكات

خەڵك – بەشی هەواڵ
فراكسیۆنی كۆمەڵ لە پەرلەمانی كوردستان ڕایدەگەیەنێت، چەند پرۆژە یاسایەكی گرنگ بۆ بەرژەوەندی خەڵكی كوردستان بە گشتی و موچەخۆران بەتایبەتی ئامادە دەكات و ئاراستەی دەستەی سەرۆكایەتی بكات تا بخرێتە بەرنامەی كارەوە، بڕیاری دروستكردنی بۆردێكی یاسایی دەدەن.

عەبدولستار مەجید، سەرۆكی فراكسیۆنی فراكسیۆنی كۆمەڵی ئیسلامی لە پەرلەمانی كوردستان لە هەژماری تایبەتی خۆی لە فەیسبوك ڕایگەیاندووە، فراكسیۆنی كۆمەڵ بڕیاری دروستكردنی بۆردێكی یاسایی دا بە مەبەستی ڕاوێژ و داڕشتنەوەی ئەو پرۆژە یاسایانەی فراكسیۆن پێشكەشی سەرۆكایەتی پەرلەمانی دەكات .

ئاماژەی بۆ ئەوەشكردووە، لە كۆبونەوەیەكدا لەگەڵ فراكسیۆنەكەی چەند پرسێكی تایبەت بە كاری فراكسیۆنیان تاوتوێكردووە.

ئاشكراشیكردووە، دوای هەڵبژاردنی دەستەی سەرۆكایەتیی پەرلەمان، فراكسیۆنی كۆمەڵ چەند پرۆژە یاسایەكی گرنگ بۆ بەرژەوەندی خەڵكی كوردستان بە گشتی و موچەخۆران بەتایبەتی ئامادە بكات و ئاراستەی دەستەی سەرۆكایەتی بكات تا بخرێتە بەرنامەی كارەوە .

بەردەوام بە لە خوێندنەوە

ژینگە

كەشناسی هەرێم ڕاگەیەنراوێكی بڵاوكردەوە

خەڵك – بەشی هەواڵ
كەشناسی هەرێم ڕێژەی بارانبارینی لە كاتژمێر 9ی بەیانی تا9ی شەو بڵاوكردەوە، كە زۆربەی ڕێژەی باران لە ناوچەی گەرمیان و پارێزگای سلێمانی بووە، دەشڵێت: ” لە سلێمانی 27.5 ملم و قەزایی دەربەندیخان زباریووە “.

بەرێوەبەرایەتی گشتی كەشناسی و بوومەلەرزەزانی هەرێمی كوردستان لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ڕێژەی بارانبارین لە كاتژمێر 9ی سەرلەبەیانیەوە تا 9ی شەو لە سلێمانی 27,5 ملم باریوە، قەزایی دەربەندیخان 48.4 ملم و كەلار 32.2 ملم باریووە.

دەشڵێت: “بارانبارین لە ناوچەكانی دیكە بە ڕێژەی جیاواز باریووە، بە جۆرێك لە پارێزگای هەولێر 13.5 ملم و دهۆك 5.7 و كەركوك 17ملم و هەڵەبجە 29.4 ملم بووە” .

بەپێی ئەو ڕێژەیەی كەشناسی بڵاویكردۆتەوە، بڕی باران لە ناوچە جیاجیاكان بەم شێوەیە بووە:

هەولێر 13.5 ملم
سلێمانی 27.5 ملم
كەركوك 17 ملم
دهۆك 5.7 ملم
هەلەبجە 29.4 ملم
پیرمام 17.6 ملم
خەبات 6.6 ملم
چۆمان 8.8 ملم
حاجی ئۆمەران 0.8 ملم
بارزان 8 ملم
سیدەكان 7 ملم
دوكان 21 ملم
هەڵشۆ 23.6 ملم
ماوەت 17.4 ملم
پێنجوین 29.6 ملم
چەمچەماڵ 26 ملم
دەربەندیخان 48.4
كەلار 32.2 ملم
خانەقین 24.8 ملم
مەیدان 37.6 ملم
خورماتوو 17 ملم
زاخۆ 2 ملم
ئاكرێ 9.6 ملم
ئامێدی 6.2 ملم
بامەڕنی 8.2 ملم
كانی ماسی 10.4 ملم
مانگێش 6.6 ملم
شاریا 3.4 ملم

بەردەوام بە لە خوێندنەوە

کوردستان

لە گەرمیان ماڵی ژنێك دەبێتە لانەی بەساڵاچوان

خەڵك – بەشی هەواڵ
بەمەبەستی دابینكردنی ماڵێكی گەرم و ئاوەدان بۆ بەساڵاچوانی بێ لانە ماڵی خانمێك دەبێتە لانەی ئەو توێژە و بەرێوەبەرایەتی گشتی چاودێڕی و گەشەپێدانی كۆمەڵایەتی گەرمیان-یش دەڵێت،”هەر بەساڵاچویەك جێگەی نییە بۆ مانەوە یاخود كەسوكاری نییە دەتوانێت لە ماڵی حاجی ئاهو بمێنێتەوە”.

بەرێوەبەرایەتی گشتی چاودێڕی و گەشەپێدانی كۆمەڵایەتی گەرمیان لە ئاگادارییەكدا، كە وێنەیەكی دەست (خەڵك) كەوتووە ڕایگەیاندووە، بەمەبەستی دابینكردنی ماڵێكی گەرم و ئاوەدان بۆ بەساڵاچوانی بێ لانە ماڵی حاجی ئاهو بۆ بەساڵاچووان لەلایەن هادی عەبدولڕەحمان-ەوە بونیادنراوە.

دەشڵێت ،”لە ئێستادا دەرگای ئەو ماڵە واڵایە بۆ لە خۆگرتنی هەر بەساڵاچویەك، كە جێگەی نییە بۆ مانەوە یاخود كەسوكاری نییە لەگەڵیان بمێنێتەوە”.

ڕاشیگەیاندووە، ئەم ماڵە لەژێر چاودێری بەرێوەبەرایەتیماندایە، ئیش و كارەكانی ڕۆژانەی بەڕێوە دەبرێت، ناونیشانی ماڵی حاجی ئاهو-ش دەكەوێتە نزیك دادگای بەرای كەلار، پشت گەراجی كەلار سلێمانی.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 84%, 32
    32 84%
    32 - 84% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین