لە نوێترین ئاماردا کە لەلایەن وەزارەتی تەندروستی کەرتی غەززەوە بڵاوکراوەتەوە ئەوەخراوەتەڕوو، ژمارەی کوژراوانی فەڵەستینی بەھۆی ھێرشەکانی ئیسرائیلەوە گەیشتووەتە ٢٢ ھەزار و ١٨٥ کەس
وەزارەتی تەندروستیی غەززە لەڕاگەیەندراوێکدا ئاماژەی بەوەکردووە، ژمارەی قوربانییانی ھێرشەکانی ئێسرائیل بۆسەر کەرتی غەززە، گەیشتووەتە ٢٢ ھەزار ، ١٨٥ کوژراو و ٥٧ ھەزار و ٣٥ بریندار.
بەپێی ڕاگەیەندراوەکە لە ٢٤ کاتژمێری ڕابردوودا، ٢٠٧ کەس لە ئەنجامی ھێرشەکانی ئیسرائیل بۆسەر کەرتی غەززە کوژراون و ٣٣٨ی دیکەش برینداربوون.
باسی لەوەشکردووە، ژمارەی ئەو فەڵەستینیانەی کە لە٧ی تشرینی یەکەمەوە تا ئێستا لە ئاکامی ھێرشەکانی ئیسرائیل بۆسەر کەرتی غەززە کوژراون، بەرزبووەتەوە بۆ ٢٢ ھەزار و١٨٥ کەس و ژمارەی بریندارەکانیش گەیشتووەتە، ٥٧ ھەزار و ٣٥ کەس.
