ئەمڕۆ شەممە، کۆمسیۆنی باڵای هەڵبژاردنەکان ژمارەی ئەو تانانەی ئاشکرا کرد کە سەبارەت بە ئەنجامی هەڵبژاردنە ناوخۆییەکان پێشکەش کراون.
سکرتێری گشتی دەستەی کۆمسیاران، عەلی فەیسەڵ لە ڕاگەیەندراوێکدا ڕایگەیاند، “ ژمارەی ئەو تانانەی کە بۆ ڕۆژی دووەم لە ماوەی یاساییدا وەرگیراون بریتین لە (85) تانە، کە بە ڕێژەی جیاواز تۆمار کراون لەنێوان پارێزگاکان”.
ئاماژەی بەوەشکرد، “بەرزترین پارێزگاکان زی قار و کەرکوک بوون، کە 10 تانەدان بۆ هەر پارێزگایەک تۆمار کراوە”.
پێنجشەممەی ڕابردوو کۆمسیۆنی باڵای هەڵبژاردنەکان ئەنجامی کۆتایی هەڵبژاردنە ناوخۆییەکانی ڕاگەیاند کە لە 18ی کانوونی دووەم بەڕێوەچوو.
