پارێزگاری سلێمانی هۆكاری ڕاگرتنی گەشتە ئاسمانییەكانی توركیا لەگەڵ فڕۆكەخانەی سلێمانی بە “بڕیاری سیاسی” وەسف دەكات و ڕایدەگەیەنێت، له گفتوگۆی به‌رده‌وامدان بۆ ده‌ستپیكردنه‌وه‌ی گه‌شته ئاسمانییه‌كانی نێوان توركیا و سلێمانی.
د. هه‌ڤاڵ ئه‌بوبه‌كر، پارێزگاری سلێمانی له كۆنگره‌یه‌كی ڕۆژنامه‌وانیدا ڕایگه‌یاند، له‌گفتوگۆی به‌رده‌وامداین له‌گه‌ڵ ئه‌و دۆستانه بۆ ئه‌وه‌ی ئه‌و بارودۆخه كۆتاییان پێبێت، به‌ڵام ئه‌و بابه‌ته بابه‌تێكی یاسایی و كارگێڕی و خزمه‌تگوزاری نییه، به‌ڵكو بابه‌تێكی ئه‌منی و سه‌ربازی و سیاسییه.
ڕاشیگەیاند، “پێویست ده‌كات لایه‌نه په‌یوه‌ندیداره‌كان وه‌ڵامی ئه‌و دۆخه بده‌نه‌وه، چونكه سلێمانی شوێنێكی ئارامه و فڕۆكه‌خانه‌كه‌شی مه‌ده‌نییه”.
وتیشی،: “ئه‌و گه‌شتانه قه‌ره‌بووكراونه‌ته‌وه به‌ده‌یان گه‌شته ئاسمانییه‌كانی دیكه‌ی نێوده‌وڵه‌تی، به‌ڵام پێمان خۆشه ئه‌و گه‌شتانه‌مان له‌گه‌ڵ توركیا و كۆمپانیای توركیش ئێرلاینیش دا هه‌بێت، بۆیه له‌گه‌ڵ كونسوڵخانه قسه‌مان كردووه و له‌هه‌وڵداین بۆ ئه‌وه‌ی فڕۆكه‌خانه‌ی سلێمانی گه‌شته‌كانی ئاسایی بێته‌وه له‌گه‌ڵ توركیا”.
لە نوێترین بڕیاریدا حكومه‌تی توركیا ماوه‌ی ڕاگرتنی گه‌شته ئاسمانییه‌كانی له‌گه‌ڵ فڕۆكه‌خانه‌ی نێوده‌وڵه‌تیی سلێمانی تاوه‌كو 22-06-2024 درێژكردۆتەوە لەكاتێكدا لە 3ی مانگی نیسانی ڕابردووەوە گەشتەكان ڕاگیراون
