لێپرسینەوە لەسوودانی دەكرێت

  • 646 بینین

 

ئەندامێكی ئەنجومەنی نوێنەرانی عێراق ڕایگەیاند، لەسەر بەرزبوونەوەی بەهای دۆلار سەرۆك وەزیرانی عێراق و بەڕێوەبەری بانكی ناوەندی بانگهێشتی پەرلەمان دەكەن.

رائید مالیكی، ئەندامی لیژنەی یاسایی پەرلەمانی عێراق دەڵێت “لەسەر پرسی گرانبوونی بەهای دۆلار بانگهێشتی محەمەد شیاع سوودانی سەرۆكوەزیران و بەڕێوەبەری بانكی ناوەندی دەكەن”.

ڕوونیشیكردەوە، حكومەت هەوڵەكانی چڕكردووەتەوە بۆ دابەزاندنی نرخی دۆلار و تائێستا دوو پێشێلكاری دیاریكراون، لەوانە شكستی سیاسەتی دارایی و نرخی ئاڵوگۆڕكردنی دراوە و بە مانای شكست و بێ توانایی حكومەت لە كۆنتڕۆڵی پرسی نرخی ئاڵوگۆڕ و سیاسەتی دارایی و دراوی نیشان دەدات.

دەشڵێت “پەرلەمان لەم ماوەیەدا چاودێری كارەكانی حكومەت دەكات، تا كۆتایی پشووی یاسادانان چاوەڕێی ئەنجامی ئەو رێوشوێنانە دەكەن، داوای لێپرسینەوە لە سەرۆك وەزیران و پارێزگاری بانكی ناوەندی دەكەن، بۆ ئەوەی نرخی دراو بگەڕێتەوە دۆخی ئاسایی خۆی”.

لە ماوەی چەند ڕۆژی ڕابردوودا نرخی 100 دۆلار لە بازاڕەكانی دراوی عێراق گەیشتە نزیكەی 153 هەزار دینار.

چەندین پڕۆژە لە هەولێر جێبەجێ‌ دەكرێن
پێشت چەندین پڕۆژە لە هەولێر جێبەجێ‌ دەكرێن
شەش چەكداری حووسی كوژران
دواتر شەش چەكداری حووسی كوژران
پەیوەندیدار