بەڕێوەبەرایەتیی هاتوچۆی هەولێر ڕایگەیاند، بەهۆی کۆتایی هاتنی ساڵی ژمێریاری بۆ ماوەی ١٢ رۆژ، مامەڵەی هاوڵاتییان ڕادەگیرێت.
ئەمڕۆ یەکشەممە، بەڕێوەبەرایەتیی هاتوچۆی هەولێر لە ڕاگەیاندراوێکدا ئاماژەی بەوەکرد، “ئاگاداری سەرجەم هاووڵاتییان و شۆفێران دەکەینەوە، لە ڕۆژی پێنجشەممە ٢١ ی کانونی یەکەم، بەهۆى كۆتايى هاتنى ساڵى ژمێريارى، کاتژمێر ١ دوای نیوەڕۆ ڕايیكردنى مامەڵەی هاوڵاتییان لە بەڕێوەبەرایەتیی هاتوچۆی هەولێر بە گشت بەش و هۆبەکانییەوە تاکو ٢ی کانوونی دووەم ڕادەگیرێت، بۆیە داوا لەهاوڵاتییان دەکەین لەو ماوەیە سەردانمان نەکەن”.
هاتوچۆی هەولێر ئەوەشی خستەڕوو، هەر مامەڵەیەک لە ماوەی ئەو ڕاگرتنە بە سەر بچێت وەک (ساڵانە و مۆڵەت و ماوەی تۆمارکردنى ئۆتۆمبێل) بۆیان قەرەبوو دەکرێتەوە لە دوای دەستپێکردنەوەی دەوام، هیچ کەسێک تووشی پێبژاردن بەهۆی دواکەوتن نابێتەوە.
