خۆپیشاندان لە تەل ئەبیب دژی هێرشەكانی سەر غەززە دەستی پێكرد و هاووڵاتیان داوا لە حكومەتەكەیان دەكەن شەڕ ڕابگرێت.
ژمارەیەك لە هاووڵاتیان و چالاكوانان لە بەردەم وەزارەتی بەرگری لە تەل ئەبیب-ی پایتەختی ئیسرائیل خۆپیشاندانیان ئەنجامدا و داوا لە حكومەتی وڵاتەكەیان دەكەن “هێرشەكان بۆ سەر غەززە ڕابگرێت و بەزووترین كات جەنگ بوەستێت”.
خۆپیشاندەران چەندین لافیتەیان بە زمانەكانی (عیبری و ئینگلیزی و عەرەبی) بەرزكردبووە، كە تیایاندا نووسیویانە، “جەنگ ڕابگرن” و “بەزووترین كات تەقە ڕابگرن” و “نا بۆ كوشتن”.
زیاتر لە دوو مانگە شەڕی نێوان فەلەستین و ئیسرائیل لە غەززە دەستی پێكردووە و زۆربەی ئەو شارە وێران بووە و تا ئێستا زیاتر لە 17 هەزار هاووڵاتی كوژراون و زیاتر لە 50 هەزار كەسیش بریندار بوون و بە دەیان هەزار هاووڵاتی ئاوارە بوون.
