بانکی ناوەندی لە کۆتا ڕۆژی هەفتەدا دۆلاری نەختی کەمکردەوە و نرخەکەی لە بازاڕدا بە بەرزی مایەوە.
ئەمڕۆ پێنجشەممە، بانکی ناوەندی عێراق بڕی 206 ملیۆن و 144 هەزار و 114 دۆلاری خستەڕوو کە 194 ملیۆن و 924 هەزار و 114 دۆلاری حەواڵە و تەنها 11 ملیۆن و 220 هەزاری نەخت بوو.
کەمیی دۆلاری نەخت لە بازاڕدا هۆکارێکی سەرەکییە بۆ بە بەرزیی مانەوەی نرخەکەی و پاش نیوەڕۆی ئەمڕۆش 100 دۆلار بە 157 هەزار و 250 دینارەوە مامەڵەی پێوە دەکرا.
