بەڕێوەبەرایەتی گشتیی نەهێشتنی ماددە هۆشبەرەکان ڕایگەیاند، سێ تۆمەتبار دەستگیرکراوە و دەست بەسەر بڕی زیاتر لە کیلۆیەک کریستاڵ، جامایکا و بڕێک حەبی کەپتاگۆن گیراوە.
ئەمڕۆ پێنجشەممە، بەڕێوەبەرايەتی نەهێشتنی ماددە هۆشبەرەکان ڕاگەیاندراوێكی بڵاوکردەوە و ڕایگەیاند، سێ تۆمەتبار دەستگیرکراون، هاوکات بڕی زیاتر لە یەک کیلۆ کریستاڵ، بڕێک لە جامایکا و حەبی کەپتاگۆن دەستی بەسەرداگیرا .
ئاماژەی بەوەکرد، ئەمڕۆ ٦ کانوونی یەکەم لە بەردەوامی هەوڵەکانی بەڕێوەبەرایەتیەکەمان لە بەرەنگاربوونەوەی ماددە هۆشبەرەکان، دوای وەرگرتنی بڕیاری دادوەری لێکۆڵینەوەی ئاسایش، توانرا سێ تۆمەتبار دەستگیربکرێن کە کاری کڕین و فرۆشتنیان بەماددەی هۆشبەرەوە دەکرد، هاوکات لەگەڵ دەستگیرکردنیشیان زیاتر لە (یەک کیلۆ کریستاڵ، بڕێک جامایکا و حەبی کەپتاگۆن) دەستی بەسەردا گیرا.
ئێستا پەڕاوی لێکۆڵینەوە بۆ تۆمەتباران کراوەتەوە و بەپێی یاسای بەرەنگاربوونەوەی ماددەهۆشبەرەکان و کارتێکەرە ئەقڵیەکان مامەڵەیان لەگەڵدا دەکرێت.
