لە پەراوێزی لوتکەی جیهانیی کەشوهەوا لە شاری دوبەی، سەرۆکی حکومەتی هەرێم لەگەڵ سکرتێری گشتیی نەتەوە یەکگرتووەکان کۆبووەوە .
لە کۆبوونەوەکەدا گفتوگۆلەبارەی دوایین پەرەسەندنەکانی دۆخی گشتیی عێراق و شەڕو ئاڵۆزییەکانی ڕۆژهەڵاتی ناوەڕاست کرا.
مەسرور بارزانی ڕایگەیان، جەختمان لە گرنگیی ڕۆڵی یونامی و بەردەوامبوونی لە ئەرکەکانی لە پێناو سەقامگیری ئاشتی و ئاسایش عێراق کردەوە.
ئاماژەی بەوەشداوە، باسمان لە پێویستیی چارەسەرکردنی کێشەکانی هەرێمی کوردستان و حکومەتی فیدراڵ و دەستەبەرکردنی مافە دەستوورییەکانی خەڵکی کوردستان کرد و داوامان کرد نەتەوە یەکگرتووەکان ڕۆڵی کارای خۆی لە چارەسەرکردنی کێشەکاندا بگێڕێت.
