وتەبێژی دەستەی وەبەرھێنان رایگەیاند، نرخی کارەبای پڕۆژەکانی نیشتەجێبوون و وەبەرھێنان ١٢٪ کەمدەکرێتەوە و سبەینێ لە بەرژەوەندی ھاووڵاتییان بڕیاری کۆتایی لەو بارەیەوە دەدرێت.
بەرگەشت ئاکرەیی، وتەبێژی دەستەی وەبەرھێنانی ھەرێم راگەیاند، رۆژی چوارشەممە نوێنەری وەزارەتی کارەبا و پارێزگاری ھەولێر و دەستەی وەبەرھێنان لە وەزارەتی کارەبا کۆدەبنەوە بۆ بڕیاردان لەسەر کەمکردنەوەی نرخی کارەبای پڕۆژەکانی نیشتەجێبوون و وەبەرھێنان بەڕێژەی ١٢٪.
وتیشی: پێشنیازەکان لە کۆبوونەوەی رۆژی چوارشەممە دوای گفتوگۆکردن لەسەریان دەکرێنە بڕیار و نرخی کارەبای یەکەکانی نیشتەجێبوون و پڕۆژەکانی وەبەرھێنان بە یاسا رێکدەخرێن، بەشێوەیەک لەبەرژەوەندی ھاووڵاتییاندابێت.
