![](https://xelk.org/wp-content/uploads/2024/03/awincity2.png)
سبەینێ کۆبوونەوەی پەرلەمانی عێراق ئەنجام دەدرێت و سوننەکانیش رێککەوتن لەکۆبوونەوەی سبەینێدا، بە کۆدەنگی سەرۆکێکی نوێ بۆ پەرلەمانی عێراق ھەڵبژێرن و بەگوێرەی زانیارییەکانیش د. مەحمود مەشهەدانی زۆرترین چانسی هەیە بۆ ئەوەی ئەو پۆستە وەربگرێت.
خەمیس خەنجەر، سەرۆکی حیزبی سیادە و محەمەد حەلبوسی، سەرۆکی ھاوپەیمانی تەقەدوم بەئامادەبوونی ٦٢ پەرلەمانتاری سوننە کۆبوونەوە.
بەپێی کارنامەی کۆبوونەوەی سبەینێی پەرلەمانی عێراق، هەڵبژاردنی سەرۆکێکی نوێ بۆ پەرلەمان و ھەمواری یاسای کۆمسیۆنی ھەڵبژاردنەکان دوو بڕگەی سەرەکی کۆبوونەوەکەن.
بەپێی زانیارییەکان دوو پەرلەمانتاری سوننە کە پێکھاتوون لە مەحمود مەشھەدانی و سالم عیساوی رۆژی چوارشەممە خۆیان دەپاڵێون بۆ وەرگرتنی ئەو پۆستە و ئەگەر ماڵی سوننە بگەنە رێککەوتن، لەکۆبوونەوەکەی رۆژی چوارشەممەدا ئەو پرسە یەکلادەکرێتەوە.