ڕۆژنامەنووسێکی کورد، خەڵاتی نێودەوڵەتی ئازادی ڕۆژنامەوانی پێبەخشرا و خەڵاتەکەی بەخشی بە چوار سیمبولی ئازادیخوازی کوردستان.
نیاز عەبدوڵا، نوسەر و ڕۆژنامەنووس، لە ڕێوڕەسمێكدا كە ١٦ـی تشرینی دووەمی ٢٠٢٣ لە شاری نیویۆرك خەڵاتی نێودەوڵەتی ئازادی ڕۆژنامەوانی پێبەخشرا لەلایەن كۆمیتەی پاراستنی رۆژنامەنووسان- CPJـەوە.
نیاز عەبدوڵا، لە تۆڕی كۆمەڵایەتی فەیسبوك بڵاویكردەوە: “خەڵاتەكەم پێشكەشكرد بە چوار سیمبولی ئازادیخوازی كوردستان، بریتین لە: زیندانیانی بادینان، ژینا ئەمینی، سەڵاحەددین دەمیرتاش و مەزڵوم عەبدی”.
وتیشی: “سەختی و ئاڵنگارییەكانی بەردەم كاری ڕۆژنامەوانی هەرچەند زۆریش بن، دەكرێت وەربگێردڕێن بۆ ئازایەتی و بەردەوامی كاری زیاتر، بۆیە هەموو كۆڵنەدان و تێكۆشانێكی بەردەوام لەپێناو پاراستنی ئازادی رۆژنامەوانی و بنەماكانی دیموكراسی، بەرهەمدار دەبێت و دەكرێت ببێتە هۆی دروستكردنی گۆڕانكاری”.
