بەڕێوەبەرایەتی هاتووچۆی هەولێر بڵاویکردەوە، هەر ئۆتۆمبیلێکی بێ سەرەتا لەسەر شەقامەکان ببینرێ دەستی بەسەردا دەگیرێت و نادرێتەوە بە خاوەنەی.
لە ئاگادارییەکدا، هاتووچۆی هەولێر سەرجەم هاووڵاتیان وشوفێران ئاگاداردەکاتەوە، کەوا خۆیان بەدووربگرن لەکڕین و لێخوڕینی ئوتومبێلی بێسەرەتا و تۆمارنەکراو بەهەموو جۆرەکانیەوە،
ئاماژەی بەوەشداوە، هەر ئۆتۆمبێلێک لەو جۆرە ببینرێت لەسەر شەقامەکان ،دەستی بەسەردا دەگیرێت لەلایەن هاتووچۆ و هێزە ئەمنیەکانی ترەوە، وە بەهیچ شێوەیەک نادرێتەوە بەخاوەنەکەی.
ماوەی چەندین ساڵە ئۆتۆمبێلە بێ سەرەتاکان کە زیاتر بە ( مەلیکە ) ناسراون، چارەنووسیان بە نادیاری ماوەتەوە، لە ماوەکانی ڕابردوودا چەند جارێک پشکنین و کۆد بۆ ژمارەیەکی زۆر لەو ئۆتۆمبیلانە لە بەڕێوەبەرایەتی هاتووچۆی هەولێر کرا، خاوەنەکانیان بە هیوای تۆمارکردن و ژمارە پێدان ڕۆژ دەژمێرن، و هاتووچۆ و حکومەتی هەرێم تا ئەم ساتە هیچ هیوایەکی لەو جۆرەی پێ نەبەخشیون.
