وەزارەتی بازرگانی عێراق ئەو ماوەیەی دیاریکرد کە پێویستە هاووڵاتییان بەشەخۆراکەیان لەلای بریکارەکان وەرگرن، ئەگەر لەوماوەیەدا وەرینەگرن دەگەڕێنرێتەوە.
ریاز موسەوی، بەڕێوەبەری گشتی فەرمانگەی چاودێری بازرگانی و دارایی وەزارەتی بازرگانی لە لێدوانێکی تایبەتدا ڕایگەیاند: وەزارەت فەرمانیکردوە بەدواداچون بۆ بریکارەکانی ماددە خۆراکییەکان بکرێت.
ریاز موسەوی ویشی: بەهۆی ئەوەی بەشێك لە هاووڵاتییان بەشەخۆراکەکەیان وەرنەگرتوە ئەو ماددانە لەلای بریکارەکان کەڵەکەبون و گرفتی بۆ دروستکردون.
ئاماژەی بەوەشکردوە، بەشێك لە بریکارەکان ڕێنماییەکانی کۆگاکردن جێبەجێناکەن و ئەمەش دەبێتەهۆی خراپ بوونی ئەو خۆراکانە و بەشێوەیەکی جیاواز ڕادەستی هاووڵاتییان دەکرێت کە وەزارەت پارێزگاری لێکردون.
موسەوی ڕاشیگەیاند: پێویستە هاووڵاتی لە ماوەی 30 ڕۆژدا هەستێت بە وەرگرتنی بەشەخۆراکەکەی، ئەگەر لەو ماوەیەدا وەرینەگرێت بەپێی ڕێنمایی نوێی وەزارەت ئەو خۆراکە دەگەڕێنێتەوە.
