ھەریەک لە یانەی قوە جەویە و یانەی ئیتیحادی سعوودی لە گەڕی چوارەمی چامپیۆنزلیگی ئاسیادا، کاتژمێر ١٥:٠٠ لە یاریگای نێودەوڵەتی فڕانسۆ ھەریری لە ھەولێر، رووبەڕووی یەکدی دەبنەوە.
بەھۆی بەشداریکردنی چەند ئەستێرەیەکی دیاری جیھانی، ژمارەیەکی زۆری خەڵک لە ناوەوە و لە دەرەوەی یاریگا ئامادەن.
لە یارییەکەدا ھەریەک لە ئەستێرەی پێشووی یانەی ریال مەدرید و ھێرشبەری ئێستای یانەی ئیتیحادی سعوودی کەریم بێنزیما و، ئەستێرەی پێشووی یانەی چێلسی ئینگلیزی و ھێرشبەری ئێستای یانەی ئیتیحادی سعوودی ئێنگۆلۆ کانتێ بەرامبەر یانەی قوە جەویە یاری دەکەن.
یانەی ئیتیحادی سعوودی و پاڵەوانی وەرزی ڕابردووی خولی سعوودیە، لە ڕکابەرییەکانی چامپیۆنزلیگی ئاسیادا لە کۆمەڵەی سێیەم یاریی دەکات، یانەکە بە ٩ خاڵ پێشەنگی ڕیزبەندی کۆمەڵەکەیە و جەوییە لە پلەی دووەمی کۆمەڵەکەیە بە کۆکردنەوەی چوار خاڵ.
