وەزارەتی سامانە سروشتییەکانی حکومەتی هەرێم بڵاویکردەوە، پرۆسەی دابەشکردنی نەوتی سپی بەسەر ماڵاندا بەردەوامە و پرۆسەکە خێرا دەڕوات.
وەزارەتی سامانە سروشتییەکان ئاماژەی بەوەشداوە، تاوەکو ئێستا نەوتیان بەسەر 295,194 خێزان دابەشکردووە و پرۆسەکەش بەردەوامی هەیە،
ماوەی چەند ڕۆژێکە دابەشکردنی نەوتی سپی لە ناو سەنتەری شاری سلێمانی دەستیپێکردووە و سەرەتاش لە مەڵبەندەکانی ٧ و ٨ ەوە دەستیان پێکرد، وەزارەتی سامانە سروشتییەکان ڕایگەیاندوو، نەوتی ساڵی پاری ئەو مەڵبەندانە دەدەن کە نەوتیان وەرنەگرتبوو، پاشان نەوتی ئەمساڵ دابەشدەکرێت.
