بەڕێوەبەرایەتی نەوت و كانزاكانی سلێمانی ڕایدەگەیەنێت، سبەینێ نەوت لە دوو ناوچەی دیكەی سەر بە پارێزگای سلێمانی دابەش دەكرێت.
بەڕێوەبەرایەتی نەوت و كانزاكانی سلێمانی لە ڕاگەیەنراوێكدا ئاماژەی بەوەكردووە، پڕۆسەی دابەش كردنی نەوت بەردەوامە و سبەی سێ شەممە ۳1ـ۱٠ـ۲٠۲۳ نەوت لە شارۆچكەی دوكان و شارەدێی پیرەمەگروون دابەش دەكرێت.
ماوەی مانگێكە دابەشكردنی نەوت لەلایەن حكومەتی هەرێمەوە دەستی پێكردووە و بەرمیلێكی 200 لیتری بە 103 هەزار و 500 دینار دەدرێت بە هاووڵاتیان و لە ئێستاشدا دابەشكردنی نەوت گەیشتۆتە ناو شاری سلێمانی.
پێشتر تەها جەمال، بەرپرسی دابەشكردنی نەوت لە سلێمانی بۆ (خەڵك) ڕایگەیاند، بەردەوام دەبن لە دابەشكردنی نەوت و ئەگەر بەو بڕەی ئێستا نەوت دابین بكرێت، سەرجەم هاووڵاتیان بەرمیلێك نەوتیان پێ دەدرێت.
