بەڕێوەبەرایەتی پۆلیسی پارێزگای سلێمانی ڕایگەیاند، بەرەبەیانی ئەمڕۆ هێڵی گەرمی ١٠٤ كەوتەوەكار، ئێستا هاووڵاتیان دەتوانن پەیوەندی بە هێڵەکانی پۆلیسەوە بکەن.
بەڕێوەبەرایەتی پۆلیسی پارێزگای سلێمانی لە ڕاگەیەندراوێکدا ئاماژەی بەوەکرد، ” پاش ئەوەی بۆ ماوەی چەند کاتژمێرێت هێڵی گەرمی ١٠٤ بەشی پۆلیسی فریاكەوتنی سلێمانی بەهۆی كێشەیەكی تەكنیكییەوە لە كاركەوت، بەرەبەیانی ئەمڕۆ هێڵەكە كەوتەوەكار” .
هاوکات ئەوەشی خستەڕوو، ئێستا هاووڵاتییان دەتوانن لەكاتی بوونی هەر ڕووداوێكی نەخوازراو پەیوەندی بەهێڵە گەرمەكانی بەڕێوەبەرایەتی پۆلیسی پارێزگای سلێمانییەو بكەن، بە ژمارەکانی ١٠٤ بەشی پۆلیسی فریاكەوتنی سلێمانی و ١٠٥ بەشی پۆلیسی نەهێشتنی تاوانی سلێمانی.
