![](https://xelk.org/wp-content/uploads/2024/03/awincity2.png)
وەزارەتی بەرگری ئیسرائیل بەفەرمی بڵاویکردەوە، هاوکارییە سەربازییەکەی ئەمریکا گەیشتە تەلئەبیب و گواسترانەوە.
ئەمڕۆ پێنج شەممە، وەزارەتی بەرگری ئیسرائیل ڕایگەیاند لەڕێگەی فڕۆکەیەکی بارهەڵگری سەربازی ئەمریکاوە چەندین ئۆتۆمبێلی زرێپۆش گەیەندرایە تەلئەبیب و ڕادەستی سوپای ئیسرائیل کران،
ناردنی ئەم کاروانە سەربازییە دوای سەردانەکەی سەرۆکی ئەمریکا دێت بۆ ئیسرائیل، کە تێیدا جۆ بایدن پشتیوانی تەواوی خۆی بۆ ئیسرائیل دووپات کردەوە و بەڵێنی هاوکاری سەربازیشی پێدا.
لەبەرامبەردا هەوڵەکان بۆ کردنەوەی ڕێگەیەکی ئەمنی بەردەوامە، تاوەکو وڵاتان بتوانن لەو ڕێگەیەوە هاوکارییە مرۆییەکان بگەیەننە کەرتی غەززە، کە ئێستا لە بارودۆخێکی زۆر دژواردایە و ڕێژەی قوربانیان و برینداران بەردەوام لە هەڵکشاندایە، بەهۆی بۆردومانەکانی ئیسرائیل بۆ ئەو شارە.
![](https://xelk.org/wp-content/uploads/2023/10/AA-20231019-32457863-32457861-ISRAIL_ABDNIN_GONDERDIGI_YENI_ASKERI_YARDIMLARI_TESLIM_ALDI-1024x682.jpg)
![](https://xelk.org/wp-content/uploads/2023/10/AA-20231019-32457863-32457862-ISRAIL_ABDNIN_GONDERDIGI_YENI_ASKERI_YARDIMLARI_TESLIM_ALDI-1024x682.jpg)