قائیمقامیەتی شارۆچکەی سەیدسادق داوا لەو هاووڵاتییانە دەکات کە تا ئێستا نەوتیان وەرنەگرتووە، پەیوەندییان پێوە بکەن.
ئەمڕۆ چوارشەممە، قائیمقامیەتی شارۆچکەی سەیدسادق ڕایگەیاند، ئاگاداری هاووڵاتییان و موختاری گەڕەک و گوندەکانی سنووری قەزاکەمان دەکەین، هەر خێزان و ماڵێک کە بەشە نەوتی ئەم ساڵی 2023یان وەرنەگرتووە، ئەمڕۆ پەیوەندیان پێوە بکەن، بەمەبەستی وەرگرتنی نەوت.
ڕوونیشیکردەوە ئەو هاووڵاتییانەی نەوتیان وەرنەگرتووە، پەیوەندی بەم ژمارە مۆبایلانەوە بکەن:
07705930909 — 07501084916
لەگەڵ نزیكبوونەوەی وەرزی سەرما، دابەشکردنی نەوت لە ناوچەکانی دەرەوەی شارەکان دەستی پێکردووە و لەم هەفتەیەشدا حکومەتی هەرێمی کوردستان ڕایگەیاند نزیکەی 12 ملیۆن لیتر نەوتیان دابەش کردووە.
