وەزارەتی دارایی و ئابوری ئاگادارییەکی بڵاوکردەوە و ڕایگەیاند، ئەو فەرمانبەرانەی لە تاقیکردنەوەی خوێندنی باڵا دەرچوون پێویستە لە ماوەیەکی نزیکدا مامەڵەکانیان تەواو بکەن.
لە ڕاگەیەندراوەکەی وەزارەتی دارایی و ئابوری هاتووە، “سەرجەم بەڕێوبەرایەتیە گشتیەکانی سەر بەوەزارەتمان ئاگادار دەکەینەوە، ئەو فەرمانبەرانەی لە تاقیکردنەوەی خوێندنی باڵا دەرچوون و تا ئێستا مامەڵەی خوێندنی باڵایان نەکردووە، پێویستە تا ١٩ تشرینی یەکەمی ٢٠٢٣ سەردانی دیوانی وەزارەت بکەن بۆ پێشکەش کردن و تەواوکردنی مامەڵەکانیان”.
هاوکات ئاماژەی بەوەکرد، لە دوای بەرواری دیاریکراوەوە هیچ مامەڵەیەک وەرناگیرێت و مافی مۆڵەت وەرگرتنیان دەفەوتێت.
