لەگەڵ کردنەوەی بازاڕەکانی جیهاندا نرخی زێڕ ڕووی لە دابەزین کرد، بەڵام هێشتا زۆر بەرزترە لەو دابەزینەی کە لە سەرەتای ئەم مانگەدا تۆماری کرد.
ئەمڕۆ دووشەممە، لە کاتی کردنەوەی بازاڕەکانی جیهاندا نرخی یەك ئۆنسەی زێڕ لە هەزار و 928 دۆلارەوە بۆ هەزار و 912 دۆلار دابەزی ئەمەش لە کاتێکدایە ڕۆژی هەینی ڕابردوو نرخی یەك ئۆنسە بۆ هەزار و 932 دۆلار بەرزبووەوە.
لە ماوەی دوو هەفتەی ڕابردوودا نرخی زێڕ دابەزینی بەرچاوی بەخۆوە بینی و یەك ئۆنسە بوو بە هەزار و 811 دۆلار، بەڵام بە هۆی شەڕی ئیسرائیل و بزووتنەوەی حەماسەوە جارێکی دیکە نرخەکەی ڕووی لە هەڵکشان کرد.
