دوانیوەڕۆی ئەمڕۆ شەممە، لە پێشانگاكانی ئۆتۆمبێل لە سلێمانی، كە “مەعرەزی علوجەكان” ناسراوە، تەقە لە فرۆشیارێكی ئۆتۆمبێل “مەعرەزچی” كرا و بریندار كرا.
سەرکەوت ئەحمەد، وتەبێژی پۆلیسی سلێمانی ڕایگەیاندووە، ئێوارەی ئەمڕۆ شەممە کەسێک، کە کاری فرۆشتن و کڕینی ئۆتۆمبێلە لە سلێمانی دەستڕێژی گولـلەی لێكراوە و بەهۆیەوە بریندار بووە.
وته‌بێژی پۆلیسی سلێمانی ڕاشیگه‌یاندووە، بریندارەکە تەمەنی 30 ساڵە و خێزاندارە و تەندروستی جێگیره.
وتیشی، “لەئێستادا تۆمەتبارەکان دەسگیر کراون و تیمەکان سەرقاڵی لێکۆڵینەوەن لەگەڵیان”.
