بەرگری شارستانی هەولێر رایگەیاند، ئەمڕۆ دوو کەس لەئاوی زێی گەورەدا خنکان ،یەكێك لەو كەسانەی خنكاوە خەڵكی مامزاوەی هەولێرەو و ئەوەی تر خەڵكی دارەشەكرانە، تەمەنیان 13 و 17 ساڵانە.
راشیگەیاند، ئەو دوو كەسە لە سنوری گوندەكانی مەنداوە و زەنگەر خنكاون كەئاوی زێی گەورەیان پێدا تێپەر دەبێت.
لەلایەکی ترەوە،ئەمڕۆ هەینی 8ی ئەیلولی 2023 ، لەلایەن تیمەکانی بەرگری شارستانی سلێمانییەوە تەرمی گەشتیارە خنکاوەکەی دەریاچەی دوکان دۆزرایەوە، گەشتیارەکە بە رەچەڵەک عەرەبە و رۆژی چوار شەممەی رابردوو 6ی ئەیلول کەوتوبووە دەریاچەی دوکانەوە.
