وەزارەتی خوێندنی باڵای حکومەتی هەرێم رایگەیاند،لە سبەینێوە زانکۆلاین بۆ (دەرچوانى خوێندنگە نێودەوڵەتییەکان) کارا دەکرێت.
وەزارەتى خوێندنى باڵا و توێژینەوەى زانستى بە دەرچوانی ئامادەیى خوێندنگە نێودەوڵەتییەکان ڕادەگەێنێت، رۆژى شەممە ڕێکەوتى (٢٠٢٣/٩/٩) سیستمى زانکۆلاین بۆ دەرچوانى خوێندنگە نێودەوڵەتییەکان کارا دەبێت و ئەوانیش دەتوانن داواکارى بۆ وەرگرتنیان لە زانکۆ و پەیمانگەکانى هەرێمى کوردستان لە ڕێگەى زانکۆلاین پێشکەش بکەن.
سەبارەت بە ناوی بەکارهێنەر و وشەی تێپەڕ (یوزەرنەیم و پاسوۆرد) بەهەمان شێوە بۆ سەرجەم دەرچوانى ئامادەیى خوێندنگە نێودەوڵەتییەکان لەلایەن وەزارەتى خوێندنى باڵا و توێژینەوەى زانستى ئامادە کراوە و ئاراستەى وەزارەتى پەروەردە/ بەڕێوەبەرایەتى گشتى ئەزمونەکان کراوە بۆ ئەوەى ئەم دەرچوانەش بتوانن بچنە نێو سیستمى زانکۆلاین.
