پێشبینی دەکرێت لە ماوەی دوو ڕۆژدا گەرما 7 پلە دابەزێت و ئەگەری کەمێك خۆڵبارینیش هەیە لە ناوچەکانی باشووری هەرێمی کوردستان.
بەشی پێشبینی لە وەزارەتی گواستنەوە و گەیاندنی هەرێمی کوردستان ڕایگەیاند، ئەمڕۆ پێنجشەممە، ئاسمانی کوردستان بە گشتی ساماڵ دەبێت و لەکاتەکانی ئێوارە ئەگەری کەمێک تۆز هەیە لە ناوچەکانی باشووری هەرێم.
ڕوونیشیکردەوە کە گەرما 4-5 پلە نزم دەبێتەوە.
سەبارەت بە سبەینێ هەینیش ڕایگەیاند ئاسمان ساماڵ دەبێت و پێشبینی دەکرێت گەرما 1-2 پلە بە بەراورد لەگەڵ تۆمارەکانی ئەمڕۆ دابەزێت.
بەرزترین پلەکانی گەرمای پێشبینیکراو بە پلەی سیلیزی :
هەولێر : 39 پلەى سیلیزى
سلێمانی :36 پلەى سیلیزى
دهۆک : 37 پلەى سیلیزى
کەرکوک : 40 پلەى سیلیزى
هەڵەبجە : 38 پلەى سیلیزى
زاخۆ : 38 پلەى سیلیزى
حاجی ئۆمەران: 26 پلەى سیلیزى
سۆران : 35 پلەى سیلیزى
گەرمیان : 41 پلەى سیلیزى
