ئێمە لە تۆرە کۆمەڵایەتیەکان

کوردستان

مەترسیی گەورە لەسەر هەڵبژاردنەكانی هەرێم هەیە

خەڵك-بەشی هەواڵ

بەرپرسی دەزگای هەڵبژاردنەكانی یەكگرتووی ئیسلامی كوردستان رایدەگەیەنێت، لە هەڵبژاردنی خاوێن ناترسین‌و داوای هەڵبژاردنی پێشوەختەش دەكەین.
بەهۆی دەنگۆی ئەنجامدانی ساختەكاری لە هەڵبژاردنەكان‌و پاكنەكردنەوەی تۆماری دەنگدەران ژمارەیەك لایەن پێیان وایە دەبێت كێشەو مەترسییەكانی هەڵبژاردن چارەسەر بكرێن‌و بەشێكیتریش پێیان وایە دەبێت بایكۆتی هەڵبژاردنەكان بكرێت.

قاسم گەڵاڵی بەرپرسی دەزگای هەڵبژاردنەكانی یەكگرتووی ئیسلامی كوردستان بە (خەڵك)ی راگەیاند، پێشتر تانەمان داوەو تێبینیمان هەبووە لەسەر كاروبارەكانی كۆمسیۆن، ئێستاش هاوپەیمانی لەنێوان چوار لایەن پێكهاتووەو پێمان وایە بڕیاردانی تاك لایەنە شتێكی باش نییەو پێكەوە بڕیاری خۆیان بدەن باشترە.

سەبارەت بە بڕیاری بایكۆتی هەڵبژاردنەكان لەلایەن هاوپەیمانی بۆ دیموكراسی و دادپەروەری، گەڵاڵی راگەیاند، ئەوە بڕیاری خۆیانەو ئێستاش چوار سەركردەكە كۆبونەوەیان هەیەو دواتر قسەی رونتر دەكرێت.

ئاشكراشیكرد، لە هەڵبژاردنی خاوێن ناترسین‌و پێمان وایە هەڵبژاردنی پێشوەختە ئەنجام بدرێت، بەڵام گرفتەكە ترسانە لە ساختەكاری‌و گومانە لە ساختەكاری كە بەدرێژایی هەڵبژاردنەكانی رابردوو كراوە، بەڵام باشترین چارەسەر بۆ ئەوەی ساختەكاری كەم بكرێتەوە بەشداری گەرموگوڕی خەڵكە لە هەڵبژاردنەكان بەرێژەیەكی زۆر تاكو پانتایی ساختەكارییەكان كەم بكرێتەوە.
رونیشكردەوە، یەكێك لە مەترسییە گەورەكانی هەڵبژاردنەكانی ئەمجارە كەمی بەشداریكردنی خەڵكە لە هەڵبژاردنەكان، ئەوەش پانتاییەكیتر دەڕەخسێنێت بۆ ئەوەی ساختەكاری بكرێت، ناكرێت فەرامۆشی هەڵبژاردن بكەین، چونكە بەدیلی هەڵبژاردن هەر هەڵبژاردنە.

ژینگە

شارەوانی سلێمانی: دار سنەوبەرەکان بەمەبەست نەسووتێنراون

خەڵک – بەشی هەواڵ

شارەوانی سلێمانی ڕەتیدەکاتەوە بەمەبەست ئاگر لەدار سنەوبەرەکانی ڕێگای ڕاپەڕین بەردرابێت.

 

ئاکۆ عەلی جێگری سەرۆکی شارەوانی سلێمانی  لەکۆنفڕانسێکی ڕۆژنامەوانیدا ڕایگەیاند، ئەو دار سنەوبەرانەى کە سووتاون، تازە نییە و لەم چەند ڕۆژەى ڕابردوودا ڕووینەداوە، بەڵکو ئەوەی بەرامبەر فەرماندەیی لەبەرواری ٧\٦\٢٠٢٠ ئاگرێک کەوتەوە و بەهۆی ئەوەوە سوتان، ئاگرێکی دیکەشیان لەبەرامبەر تەکیەکەی شێخ محەمەدی کەسنەزانی لەمانگی حەوتی ئەمساڵدا کەوتەوە و ژمارەیەک دار پێوەی سووتان.

 

ئاماژەى بەئەوەشدا، ڕەتیدەکەنەوە، کە ئەو ئاگرە لەم چەند ڕۆژەدا بووبێت و ڕەتی دەکەنەوە کە بەمەبەست سووتێنرابێت، بەڵکو ئاگرێکی ئاسایی بووە.

 

 

بەردەوام بە لە خوێندنەوە

کوردستان

سلێمانی..گۆشتفرۆشی (جیهانی گۆشتی به‌رخ) داخرا

خەڵک – بەشی هەواڵ

 

به‌هۆی فێڵكردن له‌ هاوڵاتییان و فرۆشتنی گۆشتی به‌ستو به‌نرخی گۆشتی فرێش، لیژنه‌ هاوبه‌شه‌كانی قائیمقامیه‌تی سلێمانی دوكانێكی گۆشتفرۆشتنی داخست.

 

بێوه‌ی ئه‌حمه‌د، سه‌رۆكی لیژنه‌ی دوی قائیمقامیه‌تی سلێمانی ڕایگه‌یاند، به‌هۆی فێڵكردن له‌ هاوڵاتیان و فرۆشتنی گۆشتی به‌ستو به‌ نرخی گۆشتی فرێش، لیژنه‌كه‌ دوكانی گۆشتفرۆشی (جیهانی گۆشتی به‌رخ) له‌ گه‌ڕه‌كی كانی بای شاری سلێمانی داخست.

 

وتیشی: له‌كاتی سه‌ردانی لیژنه‌كه‌ بۆ دوكانی گۆشتفرۆشی (جیهانی گۆشتی به‌رخ) ده‌ست به‌سه‌ر بڕێكی زۆر گۆرشتی به‌ستودا گیراوه،‌ كه‌ خاوه‌نه‌كه‌ی به‌نیاز بوه‌ به‌نرخی گۆشتی فرێش به‌سه‌ر هاوڵاتیاندا ساغی بكاته‌وه‌، ئه‌مه‌ش جۆرێكه‌ له‌ فێڵی بازرگانی و یاسا ڕێكاری‌ خۆی بۆ ئه‌نجامده‌رانی دیاریكردوه‌.

 

ئاماژه‌ی بۆ ئه‌وه‌كرد: به‌فه‌رمانی قائیمقامی سلێمانی دوكانی گۆشتفرۆشی (جیهانی گۆشتی به‌رخ) داخرا و خاوه‌نه‌كه‌شی ڕووبه‌ڕووی ڕێكاری یاسایی توند ده‌كرێته‌وه‌.

بەردەوام بە لە خوێندنەوە

ژینگە

وەزارەتی كشتوكاڵ و سەرچاوەكانی ئاو پڕۆژەیەکی بۆ پاراسانی دارستانەکان ئامادەکردووە

خەڵک – بەشی هەواڵ

وەزارەتی كشتوكاڵ و سەرچاوەكانی ئاوی حکومەتى هەرێم ڕاگەیەندراوێکی لەبارەى سووتاندنی دار سنەوبەرەکانی ڕێگای ڕاپەرین لەسلێمانی بڵاوکردەوە.

 

حسێن حەمە كەریم وتەبێژی وەزارەتی كشتوكاڵ و سەرچاوەكانی ئاو لەڕاگەیەندراوێکدا ڕایگەیاند، لەچەند ڕۆژی ڕابردوو ڤیدیۆی سوتانی دارسنەوبەرەكانی نزیك شەقامی سەرەكی سلێمانی تاسڵوجە بڵاوكرایەوە، لەسەر ڕاسپاردەی  وەزیری كشتوكاڵ و سەرچاوەكانی ئاو بەدواداچوونی ورد كرا.

 

ئاماژەى بەئەوەشدا، پێشتر چەندین جار هەوڵدراوە ئەم ناوچەیە بكرێت بە پڕۆژە، بەڵام وەزارەت لاری نەبوونی نەداوە، چونكە ئەم دارسنەوبەرانە، سیمایەكی جوان و ژینگەیان بەخشیوەتە ئەم ناوچەیە، بۆیە ناكرێت درەخت ببڕدرێت بۆ ئەوەی لە شوێنەكەی پڕۆژە بكرێت.

 

باسی لەئەوەشکرد، ئەم دارسنەوبەرانە بەری ڕەنج و ماندووبوونی دەیان ساڵی فەرمانبەرانی دارستانە.

 

ئەوەشی خستەڕوو، لەئێستادا ئەم دار سنەوبەرانە ( ئەم ناوچەیە) كەوتۆتە ناو سنوری شارەوانی تاسڵوجە و ڕاپەڕین.

 

ئەوەشی باسکرد، لەگەڵ ئەوەی ئەم بابەتە لەچەند ڕۆژی ڕابردوو ڕوویداوە، بەڵام بەڕێوەبەرایەتی گشتی كشتوكاڵی سلێمانی و بەڕێوەبەرایەتی گشتی باخداری و دارستان و پاوان لەگەڵ لایەنە پەیوەندارەكان لە بەدواداچوونی بەردەوامدان، بۆ دیاریکردنی هۆکارەکان و گرتنەبەری ڕێکاری پێویست.

 

 

وتیشی: وەزارەتمان پڕۆژەی بۆ پاراستنی دارستانەكان ئامادە كردووە، لە ئێستادا لە قۆناغی پەسندكردنە بۆ ئەوەی بەشێوەیەكی سەردەمیانە دارستانەکان لە سوتان و لەناو چوون بپارێزرێن.

 

ئاماژەى بەئەوەشدت، وەك وەزارەتی كشتوكاڵ و سەرچاوەكانی ئاو سوپاسی هەوڵ و ماندوونی خەمخۆران و چالاكانی ژینگە دەكەن، كە لەرێگەی خۆیان هەوڵ بۆ پاراستنی ئەم درەختانە و سەرجەم دارستانەكان دەدەن، پێویستە بكەرانی دەست نیشان بكرێن و سزای یاسایی خۆیان وەربگرن، ئێمەش لە چوارچێوەی پەیوەندیداریمان هاوكار و بەردەوام دەبین بۆ پاراستنیان.

 

بەردەوام بە لە خوێندنەوە

کوردستان