لە ئاکامی تەقینەوەی کانێکی خەڵوز، شەش کەس لە ئێران گیانیان لەدەستدا.
ئەمڕۆ دووشەممە، ئاژانسی هەواڵی فەرمی ئێران بڵاویکردەوە، کانێکی خەڵوز لە ناوچەی دامغانی سەر بە پارێزگای سمنانی باکووری ڕۆژهەڵاتی ئێران تەقییەوە و بە هۆیەوە شەش کرێکار گیانیان لەدەستدا.
ڕوونیشیکردەوە، تەقینەوەکە بە هۆی قەتیسبوونی غاز و لە قووڵایی 400 مەتر لە ژێر زەویدا ڕوویداوە.
کارکردن لە کانەکانی خەڵوز یەکێکە لە کارە مەترسیدارەکان و ساڵانە چەندین کەس لە جیهاندا بە هۆی تەقینەوە یاخود داڕمانی کانەکانەوە گیان لەدەست دەدەن.
