![](https://xelk.org/wp-content/uploads/2024/03/awincity2.png)
بەڕێوەبەرایەتیی رەگەزنامە و باری شارستانیی سلێمانی رایگەیاند، سزای ونکردنی کارتی نیشتمانی لە ٢٥ هەزار دینارەوە دەستپێدەکات تاوەکو ١٠٠هەزار دیناری عێراقی.
لە راگەیەندراوێکدا بەڕێوەبەرایەتیی گشتیی رەگەزنامەی سلێمانی بڵاویکردووەتەوە و دەڵێت:” ئەو هاوڵاتییەی کارتی نیشتمانیی ون دەکات سەرەتا دەبێت مامەڵەی ونبوونی بۆ بكات سەردانی كەرتی پۆلیسی بەشی وونبوەكان بكات تەنیشت دادگای كۆن”.
دەشڵێت:”لە هەنگاوی دووەمدا نووسراوی بۆدەكەن لەگەڵ خۆیدا دەیهێنێت بۆ بەڕێوەبەرایەتیی رەگەزنامە و باری شارستانیی سلێمانی و پێویست ناكات دووبارە فۆرمی كارتی نیشتمانی پڕبكاتەوە”.
سەبارەت بە جۆری سزاکەش دەڵێت:” ونبوونی كارتی نیشتمانی بۆ یەكەمجار٢٥ هەزار دینار، بۆ دووەمجار ٥٠ هەزار دینارە و بۆ سێیەمجاریش دەبێتە ١٠٠ هەزار دینار”.