وەزارەتی بەرگری ڕوسیا ڕایگەیاند، لە ماوەی حەوت ڕۆژی رابردوودا نزیکەی پێنج هەزار سەربازی ئۆکراینا لەو شوێنانەی ڕووبەڕووبوونەوە تێیدا بەردەوامە نزیکەی پێنج هەزار سەربازی ئۆکراینا کوژراون و بەرەبەیانی ئەمرۆش سێ هێرشی فڕۆکەی بێ فڕۆکەوانیان پوچەڵکردووەتەوە.
وەزارەتی بەرگری ڕوسیا ئاماژەی بەوەکردووە، لە ماوەی هەفتەی ڕابردوودا چوار هەزار و ٨٥٥ سەربازی ئۆکراینا لەناوچەکانی شەڕی نێوان ڕوسیا و ئۆکراینا کوژراون تەنها لە دەوروبەری هەرێمی دۆنێتسک هەزار و ٤٩٠ سەرباز کوژران.
لەڕاگەیەندراوەکەدا ئەوەخراوەتەڕوو، هەزار و ١٨٠ سەربازی ئۆکراینا لە باشوری هەرێمی دۆنێتسک کوژران و لە ناوچەی زاپۆرێژیا ٨٢٠ سەرباز و لەشاری کۆبیانسک لە سنووری ناوچەی خارکیڤ ٦٦٥ سەرباز و لە کراسنۆلمانسکیش ٤٨٥ سەرباز لەسنوورەکانی هەرێمی خێرسۆن ٢١٥ سەرباز کوژراون.
باس لەوەکراوە، لە بەرەبەیانی ڕۆژی دووشەممە فڕۆکەیەکی بێ فڕۆکەوانی ئۆکراینی لە دەوروبەری مۆسکۆ تێکشکێندراوە و دوو فڕۆکەی دیکەش لە ئاسمانی ناوچەی بریانسکی سنووری ئۆکراینا تێکشکێندراون..
لەحەوت ڕۆژی ڕابردوودا هێرشە درۆنییەکانی ئۆکراینا بۆسەر هێزەکانی ڕوسیا و نیمچە دورگەی کریمیا و مۆسکۆی پایتەخت زیادیکردووە و ئەمەش وەک بەشێک لە هێرشی هەڵگەراوەی ئۆکراینا سەیر دەکرێت کە لە سەرەتاکانی مانگی حوزەیرانەوە دەستیپێکردووە.
