دەستەی بەرەنگاربوونەوەی دەنگۆ و هەواڵە ناڕاستەکان لە ڕاگەیەندراوێکدا ئەو هەواڵەی ڕەتکردەوە کە لەلایەن هەندێک لاپەڕەوە لە تۆڕە کۆمەڵایەتییەکاندا بڵاوکراونەتەوە و ئاماژەیان بەوەکردووە بەنزین لە بەغدا و پارێزگاکانی دیکەی عێراق ڕووی لە کەمی کردووە.
لە ڕاگەیەندراوەکەدا عاسم جیهاد وتەبێژی فەرمی وەزارەتی نەوت ئاماژەی بەوەکردووە، ئەمڕۆ چوارشەممە دەست بە دابینکردنی بڕێکی زیاتر لە بەنزین بۆ وێستگە حکومییەکانی بەنزین دەکەین.
ئەوەشی خستەڕوو، گرتنەبەری ئەم ڕێکارە بۆ زیادکردنی بەنزین بەهۆی بەرزبوونەوەی پلەکانی گەرما و خواستێکی زیاتری هاوڵاتیانە لەسەر بەکارهێنانی بەنزین.
