پۆلیسی کەرکوک دەستگیرکردنی بکوژی شۆفێری ئەو تاکسیەی راگەیاند کە هەفتەی رابردوو کوژرا.
پۆلیسی کەرکوک بڵاویکردەوە، دوای دۆزینەوەی تەرمی شۆفێری ئەو تاکسییەی هەفتەی رابردوو کوژرا و تەرمەکەی شوێنەواری چەقۆی پێوەدیاربووە، فەرماندەیی پۆلیسی پارێزگای کەرکوک، تیمی لێکۆڵینەوەی تاوانی کەرکوک راسپارد بۆ لێکۆڵینەوە.
لە راگەیەندراوەکەدا پۆلیس ئاماژەی بەوەکردووە، دوای لێکۆڵینەوە لە ماوەی ٧٢ کاتژمێردا بکوژی ئەو شۆفێرەیان دەستگیرکردووە و دانیناوە بە تاوانەکەیدا و پاڵنەرەکەشی بۆ تۆڵەکردنەوە لە کێشەیەکی پێشتر گەڕاندووەتەوە.
