دەزگای هەواڵگریی تورکیا ئەو کەسەی دەستگیرکرد کە لە ڕێی زیرەکیی دەستکردەوە دەنگی ڕەجەب تەیب ئەردۆغان سەرۆکی وڵاتەکەی بۆ لەخشتەبردنی بازرگان و بەرپرسان بەکاردەهێنا.
ئەمڕۆ پێنجشەممە، دەزگای هەواڵگری تورکیا بڵاویکردەوە، کەسێکیان دەستگیرکرد کە بە لاساییکردنەوەی دەنگی ئەردۆغان، پەیوەندیی بە بازرگان و بەرپرسان کردووە.
میدیای تورکیا بڵاویکردەوە، تۆمەتبارەکە زیرەکیی دەستکردی بۆ فێڵکردنەکە بەکارهێناوە.
دوای بەدواداچوونی دەزگای هەواڵگری تورکیا، شوێنی کەسەکە دەستنیشانکرا و پاش دەستگیرکردنی، رادەستی لایەنە پەیوەندیدارەکان کرا.
