بڕیارە ڕۆژی هەینی 11-8-2023 لەپارکی ئازادی فێستیڤاڵێکی پزیشکی بەڕێوەبچێت کە تایبەتە بە هۆشیارکردنەوەی هاوڵاتیان لەبوارە تەندروستییەکاندا.
سەرچاوەیەک تایبەت بە ( خەڵک ) دواو وتی، فێستیڤاڵەکە لەلایەن خوێندکارانی کۆلێژی پزیشکی زانکۆی سلێمانی و ڕێکخراوێکی بیانی بە هەماهەنگی بەڕێوە دەبرێت، بۆ هۆشیارکردنەوەی هاوڵاتیان دەربارەی تەندروستی و زانیاری گشتی لەسەر فریاگوزاری خێرا و چۆنێتی مامەڵەکردن لەگەڵ هەندێک ڕووداودا.
ئەو سەرچاوەیە وتیشی ، لەنێو ئەو کوخانەی کە دانراوە، تێیدا پێوانی پەستانی خوێن و شەکرە بۆ هاوڵاتیان ئەنجام دەدرێت بەبێ بەرامبەر، و سەرجەم چالاکی و پشکنینەکان لەلایەن خوێندکارانی کۆلێژی پزیشکییەوە ئەنجام دەدرێت.
ڤێستیڤاڵەکە ڕۆژی هەینی لە کاتژمێر 5 بۆ ١٠ شەو لەنێو پارکی ئازادی بەڕێوەدەچێت و هاتن بۆ هەموانە.
