هەفتەی ڕابردوو ئەڵمانیا دوو کەشتی مینڕێژی Wisent 1 و سێ فڕۆکەی سیخوڕی Vector و نۆ تانکی زرێپۆشی ڕادەستی حکومەتی ئۆکرانیا کرد، بەمەش بەهای هاوکارییەکانی بۆ کیێڤ گەیشتە ١٧ ملیار یۆرۆ.
هەروەها ئەڵمانیا ٥ سیستمی سیخوڕی SurveilSPIRE و ١١ ئامێری پاککەرەوەی مین کە لەسەر تانکی T-72 دانرابوو و ٥ تاوەری بۆ پەیوەندییە مۆبایلەکانی بۆ ئۆکرانیا نارد.
ئەم یارمەتییە نوێیە کە ٢٥ تانکی Leopard 1 و ٤٠ زرێپۆشی Marder لەخۆدەگرێت، لەم دواییانەدا لە میانی کۆبوونەوەی لوتکەی ناتۆ لە ڤیلنیۆس ڕاگەیەندرا.
بەهای ئەم هاوکارییانە دەگاتە ٧٠٠ ملیۆن یۆرۆ و کۆی هاوکارییە سەربازی، دارایی و مرۆییەکانی ئەڵمانیا لە ئەڵمانیاوە گەیشتووەتە نزیکەی ١٧ ملیار یۆرۆ لە مانگی شوباتی ساڵی ٢٠٢٢ەوە.
