لە بەغدا یادی جینۆسایدی ئێزیدییەکان کرایەوە


ئەمڕۆ ٩ ساڵ بەسەر داگیرکردنی شنگال و کۆمەڵکوژی ئێزیدییەکان لە شنگال تێدەپەڕێت و لە کوردستان و عێراق یادی ئەو تاوانە قێزەونە کرایەوە.

لە مەراسیمی یادکردنەوەی کۆمەڵکوژی ئێزیدییەکان لە بەغدا بە ئامادەبوونی سەرۆک وەزیرانی عێراق و نوێنەری تایبەتی نەتەوەیەکگرتووەکان لە عێراق و بەرپرسان و سیاسییەکان ، چەندین وتار پیشکەش کران.

سەرەتا محەمەد شیاع سودانی سەرۆکوەزیرانی عێراق، لەوتارێکدا کۆمەڵکوژی ئێزیدییەکانی بە تاوانێک دژ بە گەلی عێراق ناوبرد، و داوای کرد عێراق لە چوارچێوەی یەک وڵاتدا، بەسەرجەم گەل و پێکهاتەکانیەوە یەکگرتوو و یەکڕیز بن، بۆئەوەی هیچ دەستێک نەتوانێت جارێکی تر تاوانی لەم جۆرە دژ بە گەلانی عێراق دوبارە بکاتەوە.

دواتر جێنین پلاسخارت نێردەی گشتی نەتەوە یەکگرتووەکان بۆ کاروباری عێراق ، لە میانی پێشکەشکردنی وتارێکدا ئاماژەی بەوەدا، ئێستا کاتی ئاوەدانکردنەوەی شنگال و خزمەتکردنی ئێزیدییەکانە، پیویستە حکومەت و دەسەڵاتداران بە زویی ئاوەدانی و خزمەتگوزاری بگەیەننە شنگال، و یاسای پاراستنی ئێزیدییەکان بخرێتە بواری جێبەجێکردنەوە، هەر لە وتارەکەیدا پلاسخارت ئاماژەی بەوەشدا، پێویستە دەسەڵات و حزبەکان بەرژەوەندی و خزمەتی هاوڵاتیان بخەنە پیش بەرژەوەندی خۆیانەوە.

دوای تێپەڕبونی ٩ ساڵ بەسەر ئەو کارەساتەدا تا ئێستا هەندێک لە ڕوفات و کچ و ژنانی ئێزیدی بە نادیاری ماونەتەوە، و کۆمەڵەی مافەکانی مرۆڤیش لەهەوڵەکانیدایە بۆ دیاریکردنی چارەنووسی ئەو ئێزیدیانەی کە لەو کارەساتەدا بە نادیاری ماونەتەوە.

 

سەنتەری ڕاهێنانەوە خزمەتی ٤٠ هەزار منداڵی کردووە
پێشت سەنتەری ڕاهێنانەوە خزمەتی ٤٠ هەزار منداڵی کردووە
دارستانەکانی مەریوان ئاگریان گرتووە
دواتر دارستانەکانی مەریوان ئاگریان گرتووە
پەیوەندیدار