ئەمڕۆ دووشەممە، کارگێڕی بانکی ڕافیدەین ڕایگەیاند، بڕی ٢٥ ملیۆن دینار، وەک پێشینە دەدەن بەو کەسانەی دەیانەوێت پڕۆژەی بچووک دابمەزرێنن.
لەڕاگەیاندراوەکەدا ئەوەش خراوەتەڕوو، پێشینەکە بۆ کەسانی خاوەن پیشە و دووکان و بازرگانی بچووک و تەنانەت خانەنشینانیش دەگرێتەوە.
باس لەوەشکراوە، ماوەی پێدانەوەی پێشینەکە شەش ساڵە و ئەو کەسەی پێشینەکە وەردەگرێت پێویستی بە کەفیل دەبێت.
هاوکات، لە ساڵی ٢٠١٤ـەوە پێدانی پێشینەکان لە بانکە عێراقییەکان لە هەرێم وەستاوە و لەماوەی رابردوودا فراکسیۆنی نەوەی نوێ لە پەرلەمانی عێراق قەرزی نەخۆشانی درێژخایەنی بۆ هاوڵاتیان هەرێم بەردەستکرد و ڕایگەیاند، لە هەوڵدان دووبارە پێشینە و قەرزەکان لە هەرێمیش بەردەستببنەوە.
