ئۆلیڤیە جیرۆ، ئەستێرەی هەڵبژاردەی فەڕەنسا ڕیكۆردی تێری هێنری شكاند و بوو بە گۆڵكاری مێژووی هەڵبژاردەكەی.
شەوی ڕابردوو، لە میانەی یارییەكانی قۆناغی شانزەی جامی جیهانی 2022ی قەتەڕ، فەڕەنسا ڕووبەڕووی پۆڵەندا بووەوە و یارییەكەشی بە سێ گۆڵ بەرامبەر گۆڵێك بردەوە.
جیرۆ توانی گۆڵی یەكەمی هەڵبژاردەكەی تۆمار بكات و دوو گۆڵەكەی دیكەش لە لایەن كیلیان ئیمباپێ تۆمار كران.
بە تۆمار كردنی ئەو گۆڵە جیرۆ بوو بە گۆڵكاری مێژووی هەڵبژاردەی فەڕەنسا بە 52 گۆڵ و پێش تێری هێنری ئەفسانەی پێشووی هەڵبژاردەكە كەوت كە خاوەنی 51 گۆڵ بوو.
لە دوای یاریەكە جیرۆ وتی، خەونی منداڵیم ئەوە بووە كە ببم بە گۆڵكاری مێژووی هەڵبژاردەی فەڕەنسا ، ئەمڕۆ هاتە دی ، بەڵام لەگەڵ هەڵبژاردەی فەڕەنسا چاومان لە زیاترە و چاوەڕوانی زیاتر دەكەین.
