کەشناسی هەرێمی کوردستان دەڵێت، سبەی لە شارەکاندا بەرزترین پلەی گەرما لە گەرمیان دەبێت کە دەگاتە ٤٨ پلەی سیلیزی و نزمترینیش لە سلێمانی دەبێت کە دەگاتە ٤١ پلەی سیلیزی. کەشناسێکیش دەڵێت، ئەمشەو لە سلێمانی و ئیدارەی ڕاپەڕین رەشەبا دەبێت.
ڕۆژی شەممە ٢٢ی تەمووزی ٢٠٢٣، کەشناسی هەرێمی کوردستان بڵاویکردەوە، پلەی گەرمای سبەی یەکشەممە نزیک دەبێت لە تۆماری ئەمڕۆ و خێرایی با لەنێوان ٥ بۆ ١٥ کیلۆمەتر دەبێت لە کاتژمێرێکدا.
ئاراس جەبار، شارەزای کەشناسی ڕایگەیاند، پلەکانی گەرما لە بەرزییدا دەمێننەوە و سبەی یەک پلە بەرزتر دەبێتەوە، وتیشی هەتا ٦ی مانگی داهاتوو گۆڕانکارییەکی بەرچاو لە پلەی گەرما ڕوونادات کە جێگەی باس بێت.
ئاماژەی بەوەکرد، ئەمشەو لە سلێمانی و دەڤەری ڕاپەڕین يەشەبا دەبێت و خێرایی با هەتا سبەی بەردەوام دەبێت.
بەگوێرەی کەشناسی هەرێم بەرزترین پلەی گەرمای پێشبینیکراو بۆ سبەی یەکشەممە لە شار و ناوچەکانی هەرێم بەمشێوەیەی خوارەوە دەبێت:
هەولێر: ٤٤ پلەی سیلیزی
سلێمانی: ٤١ پلەی سیلیزی
دهۆک: ٤٣ پلەی سیلیزی
کەرکوووک: ٤٦ پلەی سیلیزی
هەڵەبجە: ٤٤ پلەی سیلیزی
زاخۆ: ٤٣ پلەی سیلیزی
سۆران: ٤٣ پلەی سیلیزی
گەرمیان: ٤٨ پلەی سیلیزی
