بێگەرد تاڵەبانی: ترێ و هەنار و سێو و هەنگوین هەناردەی دەرەوە دەكەین

  • 136 بینین

وەزیری كشتوكاڵی حكومەتی هەرێم ڕایدەگەیەنێت، كە ئەمساڵ چەند بەرهەمێكی ناوخۆ هەناردەی دەرەوە دەكەین و دەشڵێت: “بەهەدەرچوونی رەنجی جووتیاران و فڕێدانی بەرهەمەكانیان لەسەر شەقامەكان زۆر كەمبووەتەوە”.

بێگەرد تاڵەبانی، وەزیری كشتوكاڵی هەرێم لە دیدارێكی تەلەفزیۆنیدا ڕایگەیاند، لە پلان و بەرنامەماندایە ئەمساڵ بەرهەمەكانی ترێ، هەنار، سێو و هەنگوین هەناردەی بازاڕەكانی دەرەوە بكەین.

وتیشی، “ئێمە ناتوانین هەموو بەرهەمێك هەناردەی دەرەوە بكەین و دەبێت پێویستیی ناوخۆ پڕبكاتەوە و تایبەتمەندییەكانی لەگەڵ خواستی دەرەوەدا بگونجێت و ئەوەش پێویستی بە ڕاهێنانی جووتیاران هەیە”.

ئاشكراشیكرد، لە ماوەی دوو بۆ سێ ساڵی ڕابردوودا بەهەدەرچوونی رەنجی جووتیاران و فڕێدانی بەرهەمەكانیان لەسەر شەقامەكان زۆر كەمبووەتەوە.

جەختیشی كردەوە، بەو پێیەی ئێمە لەگەڵ عێراق یەك دەوڵەتین پێویستە بازاڕمان یەك بێت و ئەو بەرهەمانەی لە ناوخۆ زیادن لە بازاڕەكانی ناوەڕاست و باشووری عێراق ساغدەكرێنەوە.

 

هۆشداری لەبارەی گران بوونی نرخی برنج دەدرێت
پێشت هۆشداری لەبارەی گران بوونی نرخی برنج دەدرێت
یەكێتی داهاتی هەفتەیەكی سلێمانی ئاشكراكرد
دواتر یەكێتی داهاتی هەفتەیەكی سلێمانی ئاشكراكرد
پەیوەندیدار