سەرلەبەیانى ئەمڕۆ شەممە، لەڕووداوێکی هاتووچۆدا لە نزیک گوندی بەدریکێ کە دەکەوێتە سەر ڕێگای دهۆک-موسڵ، ڕووداوێکی هاتووچۆ لەنێوان بارهەڵگرێک و ئۆتۆمبێلێکی تایبەت ڕوویداوە و چوار کەس گیانیان لەدەستداوە.
ئازاد تەها وتەبێژی بەڕێوەبەرایەتی هاتووچۆی دهۆک ڕایگەیاند، هەموو ئەوانەی گیانیان لەدەستداوە ئەندامی یەک خێزانن و دوو پیاو و ژنێک و منداڵێک بوون.
ئەوە لە کاتێکدایە، تەنها لە ماوەی هەفتەی رابردوودا لە دهۆک بەهۆی ڕووداوی هاتووچۆوە زیاتر لە ٥٠ کەس برینداربوون و کەسێکیش گیانی لەدەستداوە.
