پۆلیسی کەرکوك دەستی بەسەر تانکەرێکی سووتەمەنیدا گرت کە بە نیازبوو ٢٤ بەنگلادیشی لە بازگەیەکەوە دەرباز بکات.
ئەمڕۆ چوارشەممە، پۆلیسی کەرکوك ڕایگەیاند، هێزەکانیان دەستیان بەسەر تانکەرێکدا گرت کە ٢٤ کەسی بیانی تێدابوو و هەوڵی دابوو لە بازگەیەکەوە دەرباز بێت.
بە پێی زانیارییەکان ئەو کەسانە خەڵکی بەنگلادیشن و هەوڵدراوە لە کەرکوکەوە بە قاچاخ بگوازرێنەوە بۆ پاریزگای سەڵاحەدین.
پۆلیسی کەرکوك ڕایگەیاند بیانییەکان و شۆفێری ئۆتۆمبێلە بارهەڵگرەکە ڕادەستی لایەنە پەیوەندیدارەکان کراون.
