یەکێك لەو دوو گەنجەی بەهۆی ڕووداوی هاتووچۆوە لە گەرمیان برینداربوون، گیانی لەدەستدا.
سەرلەبەیانی ئەمڕۆ یەکشەممە، ڕەوەند نەجم دانیشتووی ناحیەی ڕزگاری، لە نەخۆشخانە گیانی لەدەستدا.
ڕەوەند شەوی ڕابردوو لەگەڵ هاوڕێیەکی ماتۆڕسواریدا لەسەر ڕێگەی کەلار-سمود تووشی ڕووداوی هاتووچۆ بوون و بەمەبەستی چارەسەرکردن گوازرانەوە بۆ نەخۆشخانە.
بەڵام بەیانی ئەمڕۆ بەهۆی سەختی برینەکەیەوە گیانی لەدەستدا و هاوڕێکەشی لەژێر چاودێری تەندروستیدایە.
