وتەبێژی تەندروستی سلێمانی رایگەیاند، سەرجەم بریندارانی چیای ئاسۆس کە ژمارەیان پێنج کەس بوو رزگار کران و کەسێکیش شەهید بووە.
سامان شێخ لەتیف بەڕێوەبەری راگەیاندنی بەڕێوەبەرایەتیی تەندروستیی سلێمانی راگەیاند، ئەو کەسانەی لە کاتی بۆردومانی فڕۆکە جەنگییەکانی تورکیا لە چیای ئاسۆس بوون ژمارەیان شەش کەس بوون و یەکێکیان گیانی لە دەستداوە و پێنج کەسی تریان بریندار بوون.
راشیگەیاند، برینی دووان لە بریندارەکان سەختە و رەوانەی سلێمانی و قەڵادزێ کراون و سێ بریندارەکەی تریش چارەسەری سەرەتاییان بۆ کراوە
