بەڕێوەبەرایەتی ئاسایشی ڕاپەڕین باندێكی (3) كەسی دەستگیركرد، كە هەوڵیانداوە بڕی ٢ ملیۆن دیناری عێراقی ساختە ساغ بكەنەوە .
بەڕێوەبەرایەتی ئاسایشی گشتی سلێمانی لە ڕاگەیەنراوێكدا ئاماژەی بەوەكردووە، لەسەر فەرمانی دادوەری لێكۆڵینەوەی ئاسایش لەڕۆژی ٢٠٢٣/٦/١٤ پاش لێكۆڵینەوە و چاودێریكردنی وورد، هێزەكانی بەڕێوەبەرایەتی ئاسایشی ڕاپەڕین، توانیان ئەو باندە ٣ كەسیەی، كە كاریان ساغكردنەوەی دراوی عێراقی تەزویر بووە دەستگیر بكەن، پێش ئەوەی لە بازاڕدا ساغبكرێتەوە.
ڕاشیگەیاندووە، تۆمەتباران دانیشتوی هەرێمی كوردستانن ، پێكهاتوون لە ( م ، ح ، م ) و ( ڕ ، م ، س ) و ( د ، ع ، ع ) و هەوڵیانداوە بڕی ٢ ملیۆن دیناری عێراقی تەزویر ساغ بكەنەوە.
ئاشكراشی كردووە، بە هەوڵی هێزەكانی ئاسایش توانرا تۆمەتباران دەستگیربكرێن، بە ماددەی ٢٨١ لە یاسای سزادانی عێراقی ڕاگیراون و لێكۆڵینەوە لە دۆسیەكانیان بەردەوامە .
